Գեր մարդիկ հավատում են գովազդին

Մարդկանց մեծ մասն առանց կարդալու  ջնջում են գովազդ պարունակող էլեկտրոնային նամակները, սակայն հինգից մեկը, ով տառապում է ճարպակալմամբ, ոչ միայն կարդում է քաշի նվազեցման համար նախատեսված պատրաստուկների գովազդը, այլև գնում է այն:

Նյու Յորքի քաղաքային համալսարանի գիտնականները հարցում են անցկացրել 200 մարդկանց շրջանում և զարմացել ստացված արդյունքներից: Հարցվողների 88%-ը, ովքեր ունեն ավելորդ քաշ, ասել են, որ էլեկտրոնային փոստով ստացել են վերը նշված բովանդակությամբ նամակներ. նրանցից 42%-ը հաղորդել են, որ բացել և կարդացել են դրանք, իսկ 18%-ից ավելին գնել են գովազդվող ապրանքը: 

Բժիշկները նախազգուշացնում են, որ այդպիսի պատրաստուկների օգտագործման դեպքում, հարկ է զգուշություն պահպանել, որովհետև դրանց մեջ պարունակվող բաղադրամասերը կարող են զարկերակային արյան բարձր ճնշում հրահրել կամ այլ կողմնակի ազդեցություններ թողնել նույնիսկ առողջ անձանց վրա:

Հարցեր, պատասխաններ, մեկնաբանություններ